Біз бір командамыз: Біз бір-бірімізге қуана көмектесеміз, ортақ мақсатқа жету үшін үйренеміз және жұмыс жасаймыз. Біз өз әріптестеріміз бен білім алушыларымызға дамуға және өсуге көмектесеміз. Әркімнің пікірі маңызды және команданың кез-келген мүшесі Комитеттер мен Комиссиялар арқылы ұжымдық шешім қабылдау процесіне қатысуға құқылы.

Адалдық: Біз жоғары этикалық стандарттарды ұстанамыз. Біз өзімізге, оқуымызға, жұмысымызға, колледжімізге, әріптестерімізге және білім алушыларға қатысты адал және парасатты тұлғалармыз. Колледждің беделі мен құндылығын біз жеке бас пайдасынан жоғары қоямыз.

Шығармашылық: Біз айналысып жатқан жұмысымызды жақсы көреміз, айналамыздағы әлемді жақсы жаққа өзгертуді қалаймыз және оған дайынбыз. Біз креативті тұлғамыз және үнемі жаңа идеяларды қалыптастырамыз. Бұл біздің мақсаттарымыз бен жетістіктерімізге жетудегі қуаттың қайнар көзі.

Ашықтық: Біз адамдар мен жаңа идеялар үшін, инновациялық зерттеулер мен білім беру саласындағы диалог пен ынтымақтастық үшін жергілікті және жаһандық деңгейде ашықпыз, айналамыздағы маңызды өзгерістерге дайынбыз. Біз сапалы шешімдер қабылдауға және кәсіби салада жоғары деңгейге жетуге көмектесетін сындарлы сынды қолдаймыз. Біз кез келген келіспеушіліктерді өзара сыйластық, теңдік және әділеттілік арнасында шешеміз.

Жеке тұлғаны құрметтеу: Біз даралықты, сындарлы пікірлерді бағалаймыз, жеке тұлғаның үйлесімді дамуына ықпал етеміз, өз қабілетін іске асыру және өзін-өзі дамыту үшін мүмкіндіктер береміз.

Сапа:Біз өзіміздің стейкхолдерлеріміз бен серіктестеріміздің үміттеріне сай келетін немесе олардан асып түсетін қызметтерді ұсынамыз. Студенттерге сапалы қызмет көрсету, студенттерге бағытталған ортаны құру – ВИКМО командасындағы әр адамның міндеті.